ПШО командасының WALS 2019 (Амстердам қ., Нидерланды) конференциясына қатысуы туралы

Сабақты зерттеу дүниежүзілік қауымдастығының WАLS-2019 Халықаралық конференциясы Дүниежүзілік Сабақты зерттеу қауымдастығының жыл сайынғы халықаралық конференциясы (WАLS – World Association of Lesson Studies) «Оқыту мен оқыту үшін тұрақты педагогиканы дамыту» тақырыбы бойынша 2019 жылы 3-6 қыркүйекте Амстердам қаласында (Нидерланды) өтті. Конференцияға әлемнің 46 елінен 900-дан астам педагог пен ғалымдар қатысты.
Конференцияның фокусы негізгі үш тақырыпқа бағытталды:
• мұғалім шеберлігі
• оқуға және кәсіби дамуға тұрақты әсер ету
• педагогика
Іс-шара аясында 3 күн бойы 6 тақырыптық симпозиум, 350 сессия, воркшоптар, «дөңгелек үстелдер» және «ашық» сессиялар постерлік таныстырылымдар өткізілді.
Конференцияға қатысушылар сабаққа зерттеу жүргізудің тиімді тәжірибелерімен танысты. Басқа елдердің де мұғалім-зерттеуші тәжірибе алмасты.
Біздің тренер-әріптестеріміз Қазақстанның әр өңірінде жүргізілген зерттеулер туралы 6 баяндама жасады, «Бақылау формалары», «Рефлексия және сабақты бірлесіп жоспарлау үлгілері» тақырыптары бойынша екі шеберлік сыныбын өткізді.

https://www.walsnet.org/

Lesson Study Kazakhstan_final

Абдраманова К.С._англ

Абдраманова К.С._каз

Журба Л.В._англ

Журба Л.В._рус

Ибраева А.Р._англ

Калгинбаева Ж.С._англ

Калгинбаева Ж.С._рус

Копжасарова Т.М._англ

Копжасарова Т.М._рус

ПИТЕР ДАДЛИМЕН ӨТКІЗГЕН САБАҚТЫ ЗЕРТТЕУ (LESSON STUDY) СЕМИНАРЫ

 

2019 жылғы 30-31 мамыр күндері Нұр-Сұлтан қаласында Педагогикалық шеберлік орталығының тренерлеріне арналған «Оқыту әдістерін, оқу бағдарламаларын, оқушылардың үлгерімі мен жүйе тиімділігін жетілдіру үшін Lesson Study (Сабақты зерттеу) зерттеуінің мүмкіндіктерін кеңейту» тақырыбы бойынша семинар өткізілді.

Семинардың мақсаты – жалпы білім беретін мектептердегі мұғалімдердің практикасында Сабақты зерттеу (Lesson Study) тәсілін қолдану мәселелері бойынша тренерлерді кәсіби дамыту.

Семинардың спикері – Питер Дадли – Лестер (Ұлыбритания) университетінің құрметті профессоры, Дүниежүзілік Lesson Study қауымдастығының Бас хатшысы, «Lesson Study: теориясы және оны практикада қолдану» деп аталатын мұғалімдерге арналған әдістемелік нұсқаулықтың авторы. Питер Дадли Ұлыбританияның білім беру жүйесінде Lesson Study тәсілін 2001 жылы енгізген зерттеуші-ғалымдардың қатарына кіреді.
Ол сондай-ақ Lesson Study тәсілін қолдану бойынша Ұлыбританиядағы ұлттық зерттеушілік бағдарламалардың және мемлекеттік бастамалардың кеңесшісі болып табылады.

Семинардың бағдарламасы бойынша бес сессия өткізу жоспарланған, сондай-ақ зерттеу тақырыптары бойынша пленарлық және бейресми пікірталастар өтеді.

Сессиялар мен пікірталастардың тақырыптары мынадай түйінді мәселелерді қамтиды:

–         Lesson Study әдісін жоспарлау, қадағалау және талдау кезінде білім формаларын құру;

–         деректерді, талдауларды жинақтау және нәтижелерді қорыту тәсілдерін зерделеу кезіндегі білім формасының мәні;

–         мектептерде Lesson Study-ді зерттеудің деректерін талдау;

–         Lesson Study-дің әсер етуін бағалау (бағалаудың табысты моделдерінің тәжірибесімен оқыту);

–         сабақтың, деректерді жинақтаудың және талдаудың мета-зерттеулерін жоспарлау; «Сабақты зерттеуді дамыту» қоғамдастығын және жүйелі оқыту үдерісі мен Lesson Study-дің әсер етуін бағалауды қолдау.

«Сабақты зерттеу (Lesson Study) – қазақстандық тәжірибе» тақырыбында аймақтық конференция Алматыда өтті

«Назарбаев Зияткерлік мектептері» ДББҰ Педагогикалық шеберлік орталығының Алматы қаласындағы филиалы 2018 жылдың 15-16 қараша күндері «Сабақты зерттеу (Lesson Study) – қазақстандық тәжірибе»  тақырыбы бойынша аймақтық конференция өткізді.

Конференцияның жұмысына химия-биология, физика-математика бағытындағы Назарбаев Зияткерлік мектептері; Республикалық мамандандырылған дарынды балаларға арналған физика-математика мектеп-интернаты және Б.Момышұлы атындағы Алматы республикалық «Жас Ұлан» мектебі; Алматы қаласының 18 жетекші және оған серіктес мектептері; Алматы қаласының, Түркістан, Жамбыл облыстарының  мектеп басшылары мен мұғалімдері қатысты. Қатысушылардың жалпы саны: 140 адам.

Подробнее

Тольятти қаласында (Ресей) өткізілген семинар «Мектепте Lesson Study-ді ұйымдастыру»

Travelling Lesson Study ғаламшар бойынша саяхаттауда! Таратуға лайықты идеялар таратылуда!

Педагогикалық шеберлік орталығы өзінің достарының және  мүдделестерінің шеңберін Қазақстан аумағынан тысқары жерлерде  кеңейтуде. Зерттеулер жүргізудегі Қазақстан мұғалімдерінің тәжірибесі ұсынылған «ED Crunch Moscow» халықаралық білім беру конференциясындағы кездесу Тольятти қаласының (Ресей) педагогтерімен ынтымақтастық құрудың бастамасы болды.

2018 жылдың 31-қазаны мен 2-қарашасы аралығында ЖЖББМ ОЖББМ «Мектеп» Білім беру Орталығы» педагогтеріне «Мектепте Lesson Study-ді ұйымдастыру» тақырыбында семинар өткізілді. 3 күн бойы мұғалімдер Педагогикалық шеберлік орталығының тренері Жанна Байгаринованың басшылығымен өздерінің сабақты зерттеу жоспарын жасақтады, жағдаяттарды үлгіледі, оқыту тәжірибесін зерттеудің сұрағын құрастырды, бақылау формаларын мен сабақты талдаудың әдістерін әзірледі. Саралау, тереңдетілген педагогика және сабақ мақсатын қою сияқты аспектілер ерекше қызығушылық тудырды.

Қазақстан Республикасы мұғалімдерінің күнделікті тәжірибесіне Lesson Study-ді енгізу мәселесі тольяттилік мұғалімдердің терең қызығушылығы мен көптеген сұрақтардың туындауының себебі болды. Кері байланыс семинар әдістерінің, ресурстар сапасының және тренингті жүргізу стилінің жоғары деңгейде бағаланғанын көрсетті. Оқыту және оқу мәселелері бойынша әрі қарай бірлескен жұмысты келешекте жалғастыру жоспарда бар.

«Тиімді жоспарлау және Lesson Study өткізу» тақырыбындағы семинар

2018 жылдың 10 қыркүйегінде Педагогикалық шеберлік орталығының тренерлері (Алданыш Ақерке, Жунусова Фарида, Кузембаева Камила, Жолдасбаева Сапура және Байгаринова Жанна) төрт мектеп базасында – №27 мектеп-лицейі, №23 орта мектеп, №38 мектеп-лицейі және №46 балабақша-мектеп-гимназиясы – Астана қаласының мұғалімдеріне арналған «Тиімді жоспарлау және Lesson Study өткізу» тақырыбында семинар өткізді.

Жаңа оқу жылы басталды және астанамыздың барлық мектептерінде мұғалімдер өздерінің оқыту тәжірибесін зерттеуге кірісті. Семинардың қатысушылары (120 адам шамасында) болған зерттеу бойынша координаторлар, директордың орынбасарлары, даму командаларының мүшелері, мектеп тренерлері өздерінің Lesson Study/Сабақты зерттеуді енгізу бойынша әрекеттеріне талдау жасап, тәжірибелерімен бөлісті. Қазіргі уақытта бірлесіп зерттеу жүргізетін мұғалімдер тобы құрылған, зерттеу барысында басымдық жасалатын оқыту мен оқудың аспектілері таңдалған.

Семинар қатысушылары өткен тәжірибенің қиындықтардан құтылуға және зерттеуді жүргізуде қателіктерді қайталамауға мүмкіндік беретінін атап өтті. Мұғалімдер әлдеқашан сабақты бақылау формаларын әзірлеп, теориялық әдебиеттердің талдауын жасады, мұғалімдердің өзіндік тәжірибесін зерттеуді тиімді ұйымдастырудың тетіктерін жасап шығарған. Жасалған жағдайлар тереңдетілген педагогикаға басымдық беруге, зерттеу дағдыларын және әдістемелік тәсілдерді дамытуға мүмкіндік береді.

Жоғарыда аталғанның барлығы семинар қатысушыларына Lesson Study үдерісін әрі қарай енгізу бойынша жоспарды әзірлеуге мүмкіндік туғызды. Қолдау көрсету мақсатында www.lessonstudy.kz сайтында ресурстар (бейнежазба, таныстырылымдар, мақалалар) және әріптестер мен ПШО тренерлерінен қызығушылықты тудыратын сұрақтарға жауап алуға мүмкіндік беретін форумдар қолжетімді болып табылады.

Семинар таныстырылымдары:

Тиімді жоспарлау және Lesson Study өткізу

Эффективное планирование и проведение Lesson Study

 

 

«Сабақты зерттеу (Lesson Study) тәсілін енгізу арқылы зерттеушілік ойлауды дамыту. Сабақты бақылау, транскриптілеу және талдау» тақырыбындағы семинар

Қазақстан Республикасы жалпы білім беретін мектептеріне «Қазақстандағы сабақты зерттеу (Lesson study Kazakhstan)» жобасын енгізу жұмыстарының тиімділігін арттыру мақсатында 2018 жылдың 26-27 наурыз аралығында Астана қ. Педагогикалық шеберлік орталығында (әрі қарай Орталық) «Сабақты зерттеу (Lesson Study) тәсілін енгізу арқылы зерттеушілік ойлауды дамыту. Сабақты бақылау, транскриптілеу және талдау» тақырыбындағы семинар өткізілді. Орталық пен оның филиалдарынан 60 тренер қатысқан бұл іс-шара Ұлттық білім беру саласындағы зерттеу саясаты институтының жетекші ғылыми қызметкері Тошия Чичибудың (Жапония, Токио қ.) қатысуымен ұйымдастырылды.

Сонымен бірге Орталыққа тәжірибе алмасу мақсатында келген қосымша кәсіби білім беру Өңірлік мемлекеттік мекемесі «Алтай өлкелік білім беру қызметкерлерінің біліктілігін арттыру институты» қызметкерлері де семинарға қатысты. Астана қ. «Назарбаев Зияткерлік мектептері» ДББҰ мұғалімдері де семинар жұмысына қатысушылар қатарында болды.

Семинар барысында қатысушылар Сабақты зерттеудің жапондық моделінің мәдениеті, оны өткізу әдісі, бақылау жүргізудің ережесі және сабақты транскриптілеумен танысты. Деректерді жинақтау, уақыттық хронологиясы және отырғызу орны әдістері белсенді талқыланды.

Тошия Чичибу іс-сапар аясында Астана қаласындағы Назарбаев Зияткерлік мектебі, Халықаралық мектеп және екі жалпы білім беру мектептеріне (№ 72 мектеп-лицейі, Экономикалық лицей) барып, сабақты бақылау және талдауды іске асыру бойынша мұғалімдермен әңгімелесу жоспарланып отыр.

Педагогикалық шеберлік орталығы мен Тошия Чичибу арасындағы ынтымақтастық 2013 жылдан бері жалғасуда. Тошия Чичибу еліміздің 11 өңірінде Сабақты зерттеу тәсілін енгізу бойынша мұғалімдерге арналған практикалық семинарлар мен тренингтер өткізді. Осы атқарылған жұмыстың жемісі ретінде Педагогикалық шеберлік орталығының қызметкерлерімен бірлесе «Lesson Study тәсілін жүзеге асыру бойынша мұғалімдерге арналған нұсқаулық» жасалды.

Білім берудегі жаңа тәсілдер талқыланды

Қызылорда, Астана, Шымкент және Алматы қалаларының педагогтары жаңартылған білім беру мазмұны тұрғысынан білім берудегі жаңа тәсілдерді тиімді жүзеге асыру жолдарын талқылады.

 «Назарбаев Зияткерлік мектептері» ДББҰ мен Қызылорда облысының әкімі арасындағы қол қойылған меморандумға сәйкес, аймақтағы  инновациялық мектептерге тәжірибе тарату мақсатында Қызылорда қаласы химия-биологиялық бағыттағы Назарбаев Зияткерлік мектебінде «Жаңартылған білім беру мазмұны тұрғысынан білім берудегі жаңа тәсілдерді тиімді жүзеге асыру жолдары: мектептегі Асtion Research және Lesson study ғылыми зерттеу жобалары» тақырыбында аймақтық форум өтті.
Секциялық практикум, семинар және шеберлік-сыныптар түрінде ұйымдастырылған форум жұмысында  оқытудың жаңа тәсілдерінің тиімділігі және оны мұғалімнің ғылыми-зерттеу мәдениетін қалыптастыруда қолдануы туралы кеңінен айтылды.
Форум жұмысына қатысқан Шымкент, Алматы қалаларындағы Назарбаев Зияткерлік мектептер мен облыстағы 2 пилотты, 24 инновациялық мектептер өкілдері, Қызылорда қаласы педагогикалық шеберлік орталығы қызметкерлері, “Назарбаев Зияткерлік мектептері” ДББҰ Зерттеу департаментінің, Қорқыт Ата атындағы ҚМУ мамандары   оқушылардың білім сапасын арттыратын жаңа әдіс-тәсілдер мен сабақ түрлері бағытында жүргізген зерттеулерімен бөлісіп, өзара тәжірибе алмасты.

© Источник:  Интернет-газета «Kyzylorda-news.kz

Аймақтық форум өтті

Қызылорда қаласы химия-биологиялық бағыттағы Назарбаев Зияткерлік мектебі «Жаңартылған білім беру мазмұны тұрғысынан білім берудегі жаңа тәсілдерді тиімді жүзеге асыру жолдары: мектептегі Асtion Research және Lesson study ғылыми зерттеу жобалары» тақырыбында аймақтық форум өткізді, деп хабарлайды мектептің баспасөз қызметі.
Форум мақсаты: жаңа тәсілдер мен әдістерді сабақ беруде қолдану арқылы мұғалімдердің тәжірибесін жетілдіру, мұғалімдерді жаңартылған білім беру саласында іс-тәжірибе алмасуға бейімдеу. Форум жұмысы секциялық практикум, семинар және шеберлік-сыныптар түрінде ұйымдастырылды. Сонымен бірге зерттеу- сабақтары мен пленарлық отырыс түрінде өткізілді.
Форумға Шымкент, Алматы қалаларындағы Назарбаев Зияткерлік мектептері, Қызылорда облысындағы 2 пилотты, 24 инновациялық мектептері, Қызылорда қаласы педагогикалық шеберлік орталығы қызметкерлері, “Назарбаев Зияткерлік мектептері” ДББҰ Зерттеу департаментінің өкілдері, Қорқыт Ата атындағы ҚМУ ғалымдарының мамандар қатысып, оқушылардың білім сапасын арттыратын жаңа әдістер мен сабақ түрлері турасында жұргізген зерттеулерімен бөлісті.

© Источник: Интернет-газета «Kyzylorda-news.kz

2016 Жылдың 3-5 қыркүйегінде lesson study зерттеуі бойынша халықаралық

World Association of Lesson Studies (WALS) International Conference 2016 Конференция тақырыбы: Сабақты зерттеу (LESSON STUDY): кәсіби білім беретін қоғамдастықта мұғалімдерді оқытудағы және оқудағы трансформациясы.

2016 жылғы 3-5 қыркүйекте Сабақты зерттеу (LESSON STUDY) жөніндегі халықаралық конференция өткізілді (Exeter университеті, Ұлыбритания). Конференция Ұлыбританияда 10-рет мерейлі кезеңіне сәйкес өткізілді. Конференцияның тақырыбы Сабақты зерттеуде (LESSON STUDY) кәсіби білім беретін қоғамдастықта басшылардың педагогикалық дамуын және оның рөлін арттыруына байланысты болды Тәжірибеге негізделген зерттеу формасы ретінде, LESSON STUDY өткізуде өз білімімен, түсінігімен және тәжірибесімен бөлісу үшін әлемнің түкпір-түкпірінен зерттеушілер мен практиктер конференцияда бас қосты.

Подробнее

Педагогикалық шеберлік орталығы WALS кеңесінің құрамына кірді

2015 жылғы 24 қарашада Дүниежүзілік Сабақты Зерттеу Қауымдастығының (WALS) жыл сайынғы халықаралық конференциясында «Назарбаев Зияткерлік мектептері» ДББҰ Педагогикалық шеберлік орталығы WALS кеңесінің құрамына кірді.

Қазақстан Республикасы педагог қызметкерлерінің біліктілігін арттырудың деңгейлі бағдарламалары іске асырылған кезден бастап (2012 ж.) республика мектептерінде Жапониядан бастау алған сабақты зерттеу тәсілі (Lesson Study) қолданылуда.
Қазіргі кезде кәсіби білім алу құралы ретінде Lesson Study (Сабақты зерттеу) көп елдерде қолданылады және де бұл бүкіл әлемдегі мұғалімдер ұжымдарына білім алушылардың кәсіби қоғамдастығына айналуға септігін тигізіп отыр.

Подробнее